2nd Roma Pavilion - Call the Witness PUTARDO AKHARIB E VAŠ REGISTRUIBE/MAŠKARIBASKO

2nd Roma Pavilion - Call the Witness

PUTARDO AKHARIBE VAŠ REGISTRUIBE/MAŠKARIBASKO

Roki:

15. marti 2010, vaš artistja thaj rodutne

1. maji 2010, vaš mediake arhive

Kuratorski timi Dujto romano paviljoni - Call the Witness dela putardo
akharibe vaš artistja, rodutne thaj mediake arhive.

Akava projekti, savo ka ovol prezentuimo ani Venecia 2011.,
koncepirimo sito thaj organizuimo naisariba maškaribaske
interdisciplinarno kuratorsko timi savo kerena ole: Suzana Milevska,
Vladan Jeremić, Rena Redle i Enisa Eminovska.

Dujto romano paviljoni - Call the Witness prezentuinela
interdisciplinarno maškaribe kasko reso sito barjaripe, produktiribe
thaj prezentuibe moderno artistipasko thaj artistipe neve mediengo
romane artistjengo thaj artisjengi kotar but regionia thaj kulture.
Ano reso projektesko sito ini koncepti moderno artistjengo thaj
moderno artistjengi sar direktne ispatja pere vakteske, savo nane
pasivno dikhavno, već maj angle sar aktivno džene ano jekhipe e
situacia thaj dženenca save barjarde olengi buti. Adjahar jekh buti,
kote artistipe ovela potencialno legardutno amalipaske prmibasko, lela
ini nevi perspektiva ano akava vakti digitalizaciako thaj
globalizaciako, thaj šaj but te prminol forme djivdipaske e romana
khupatnake.

Odoleske da <> sebepi te sikavenpe ispatibe thaj
phenibe e artistjengo thaj rodutnengo save ka vazden džanibe kotar but
forme situacienge romana khupatnake ani bufljardi lumia. Pučipe < kerela direkcia e vastušea prezentuibaske thaj ko siole šajipe te
kerol promocia dominantno kulturako thaj moralno barvalipasko ani
relacia e romana khupatna?>>, legargja amen te adikarape e artistipa
neve mediengo sar legarde vastušea vaš prezentuibe pesko thaj
kokorepaćavibasko.

Akhara artistja thaj artistjen, rodutne te den bahamia save siton
phande akale pučipa ano forme save ka den šajipe vaš dur khupatno
anglalipe, sar saikeriba adjahar ini ano dikhipe mediengo. Alosarde
bahamia e artistenge ka oven akharde te prezentuinen pere bahamia thaj
te diskutuinen kotar on ano butikerdutno bešipe savo ka adikarolpe ano
Beogradi (ano aprili 2010), kote ka vakara kotar šajipe eventualno dur
produkciako ulavde bukengi jase khupatne projektengi. Čhinadipe vaš
produkcia ka oven mothavde majšukar konceptea, save ka oven realizuime
ano 2010. thaj prezentuime ano Dujto romano paviljoni ani Venecia
(2011.).

Organizatori projektesko 2nd Roma Pavilion - Call the Witness siton
Roma Media Base - organizacia e bešipa ano Skoplje savi adikarelape
arhiviriba, produkcia thaj prezentuiba moderno artistipe thaj
artistipe neve mediengo e romane artistjengo thaj khupatnengo, thaj
Biroi vaš kultura thaj komunikacia kotar Beogradi. Projekateske dena
dumo Instituti vaš putardo amalipe thaj aver organizacie thaj
patronatja.

Angluno romano paviljoni sine 2007. ano jekhipe e ekspozita ano 52.
Bijenale ani Venecia thaj legargja ole Instituti vaš putardo amalipe.

SAR TE REGISTRUINEN TUMEN?

1. Akharibe vaš artistja thaj rodutne

Rok: 15. marti 2010.

Registruibe manglape te ovol ole:

. - Hramindo narativno CV (dži 500 lafja),

. - motivaciono lil thaj skica (dži 500 lafja) savo
ka sikavol tumaro interesuibe thaj anglune pučipe savea o projekti
adikarealpe, tumaro kontakt mejl/telefoni

Te sine kaj manegena šaj te den:

. - vizuelno materijalja (kadrja kotar video, link
vaš video-bukja, pdf-hramibe, link vaš veb-sajt, thaj pana) kotar
tumare bukja jase bukja save manglape te keren thaj bahamia vaš neve
rodipe, fotografie, video-bukja, animacie, performansja, stripja,
audio artistikane bukja thaj aver projektia neve mediengo.

Ko šaj te registruinolpe: sa romane artistja thaj aver romane
profesinalcja (rodutne artistipaske, teoretičarja, kuratorja,
aktivistja, thaj pana), save kerena buti kokore jase ano grupe ano
umal moderno artistipe thaj kultura, kotar sa phuvja thaj regionia.

2. Akharibe vaš mediake arhive

Roki: 1. maji 2010.

Akhara romane kulturake centrja, arhive, festivalja thaj aver
organizacie thaj producentja te den pere produkcie neve medienge (foto
arhive, rodutne video-projektia, thaj pana) ani mediaki arhiva Call
the Witness save ka oven prezentuime ano Dujto romano paviljoni ani
Venecia.

Rudjisara tumen vaš akana te den numa bahamja e medisko produkcienge,
jase saikeribe tumara arhivako, adresa tumara organizaciaki thaj
misalja (tekstja, pilte jpg, linkja vaš video-insertja, tumare onjaljn
arhiva, thaj pana).

Rudjisara tumen te bičhalen tumare materijalia (maksimalno 5MB) pi adresa:

callthewitness@gmail.com